السلام عليكم 💫💜

لاحظت بمقاطعي في التيك توك كثرة الأسئلة عن افكار مشاريع اون لاين فقررت اني اقدم اقتراحات لبعض المشاريع الصغيرة والمتوسطة. راح اقسمها لعدة اقدام عشان يسهل عليكم اختيار المشروع المناسب. 

طبعًا بعض المشاريع تحتاج جهاز قص الكتروني وبعضها ما تحتاج. تكلمت بقناتي في يوتيوب عن جهاز القص الاكتروني كريكت وقارنت بين انواعه، برفق لكم الفديو في حال قررتو تختارون مشروع يحتاج الآلة. 

أفكار مشاريع تحتاج جهاز قص الكتروني:

١- الطباعة على التيشيرتات او البلوفرات باستخدام فينيل حراري. 

سبق وتكلمت عنه بالتفصيل هِنا. 

٢- الطباعة على الاكواب او كاسات ستاربكس وغيرها باستخدام فينيل اسطح. 

هِنا تلقون شرح يوتيوب لـ طريقة قص الفينيل. 

٣- ستيكرات.

 هِنا تلقون طريقة عمل الستيكرات والقص بشكل احترافي.

 

٤- الطباعة على الشراريب.

٥- كفرات الجوال باستخدام فينيل اسطح.

٦- ميدالية مفاتيح، او البعض ممكن يقولها تعليقة مفاتيح. برضو بفينيل الاسطح. 

٧- الطباعة على الصحون بفينيل اسطح. 

٨- الطباعة على الشنط (حقائب) باستخدام فينيل حراري. 

٩- الطباعة على حامل الشموع بفينيل الاسطح.

١٠- النقش على الزجاج. مثلاً كاسة زجاج. 

١١- بوسترات. 

١٢- الطباعة على أكياس الورق. 

١٣- شعارات. 

١٤- الطباعة على وعاء النباتات باستخدام فينيل اسطح. 

١٥- ال toppers اللي تجي على الكيك! 

١٦- سجادة الباب.

١٧- Wreaths. 

١٨- كوسترات.

١٩- البطاقات، مثلا بطاقات الحفلات والدعوات. 

كمثال: اللي مثلا تعطونها لاحد بعيد ميلاده. 

٢٠- بطاقات الأمتعة.

 اللي تجي على شنطة السفر ينكتب عليها اسم الشخص. 

٢١- وسائد. 

٢٢- الدبابيس حق البلانر.

٢٣- الـ washi tape.

٢٤- الـ ظروف. 

٢٥- علب المنايل بفينيل الاسطح.

٢٦- الكابات بالفينيل الحراري.

٢٧- الاحذية بالفينيل الحراري.

٢٨- الـ Pins.

٢٩- المزهريات بالطباعة عليها بفينيل السطح. 

٣٠ - قفازات الفرن.

٣١- علب الفشار.

٣٢- صناعة الدمى والحيوانات بالقماش.

٣٣- الطباعة على البلالين بفينيل الاسطح.

٣٤- الدفاتر و المذكرات. 

٣٥- الطباعة على الشباشب.

٣٦- العاب البحث عن الكلمات.

٣٧- قناع العين حق النوم.

٣٨- اكواب الكب كيك.

٣٩- الطباعة على الصواني بفينيل الاسطح. 

٤٠- علب هدايا. 

٤١- الطباعة على المحافظ.

٤٢- لوج جدارية. 

٤٣- طقم ادوات حفلات.

٤٤- ورود ورقية.

٤٥- احلاق من خامة الجلد.

٤٦- الطباعة على مناشف الشاي.

٤٧- الطباعة على مريلة الطبخ.

٤٨- احتياجات الاطفال: ملابس، بطانيات صغيرة..الخ.

٤٩- ربطات الشعر.

٥٠- قبعات الحفلات.

٥١- ديكورات للمنزل.

٥٢- حامل الاكسسوارات.

٥٣- الطباعة على شنط الميك اب.

٥٤- اطواق الشعر.

٥٥- محفظة جلد.

٥٦- احذية اطفال بالجلد. 

مشاريع بجهاز القص الالكتروني كريكت ميكر فقط: 

١- النقش على الاكسسوارات والسلاسل بـ اداة الـ engraving tool.

للحصول على جهاز القص الالكتروني كريكت:

(امازون الامريكي)

كريكت ميكر اللون الشامبانيا (تقدرون تشترونها لوحدها او مع اغراضها)

كريكت اكسبلور اير ٢ (متوفرة خمسة الوان)

كريكت جوي

(امازون السعودي)

كريكت ميكر لون الشامبانيا

كريكت اكسبلور اير ٢ لون المِنت

وسبق وتكلمت عن اهم الادوات اللي تطلبونها معاها، هنا. 

أفكار مشاريع ماتحتاج جهاز قص الكتروني:

١- فواصل كتب. 

٢- كفرات الجوال بالرسم عليها.

٣- كفرات الجوال باستخدام حبر الحراري. 

٤- الريزن.

٥- الطباعة على الشنط (حقائب) بالحبر الحراري.

٦- الرسم على الشنط (حقائب). 

٧- شموع. 

٨- بوسترات. 

٩- دفتر تلوين. 

طبعًا اللي تجي حق كبار وعادي كشخة وفيه كثير يحبونها. ابحثو عن coloring books وخدو افكار. 

١٠- الاحذية بالرسم عليها.

١١- الرسم على المزهريات.

١٢- رسم لوحات.

١٣- رسم الاشخاص. 

١٤- التسويق بالعمولة. 

١٥- دروب شوبينق. 

١٦- ثيم البوكسات. مثلا بوكس القراءة، بوكس الشتاء وغيرها. 

١٧- صناعة الكيك والحلويات.

١٨- التصميم. مثال: تصميم بزنس كارد او لوقو، وسهل مره من موقع Canva.

١٩- بوتيك ملابس.

٢٠- بوتيك عبايات.

٢١- صناعة الاكسسوارات.

٢٢- الحياكة والكروشيه.

٢٣- تقديم الدورات.

٢٤- التصوير.

٢٥- صناعة الصوابين واللوشن.

٢٦- تطريز. 

٢٧- تغليف الهدايا.

٢٨- تنسيق ورود.

٢٩- صناعة المحتوى. 

يعني احنا حرفيا طول وقتنا على السوشيال ميديا فـ ليش ما نبدأ بـ صناعة المحتوى في مواقع التواصل الاجتماعي؟ وترا مره سهل مو لازم تبدأوون بيرفكت وكل شيء متوفر عندكم. 

٣٠- استيراد منتجات جاهزة من الصين وبيعها.

٣١- كتابة السير الذاتية.

اتمنى انكم استفدتو، ولو عندكم افكار زيادة شاركونا بالكومنتس عشان الناس تستفيد. 💜

طريقة تحميل خطوط مجانية في كريكت ديزاين سبيس. 

طبعًا انا سويت مقطع فديو شرحت فيه عمليًا، لكن بوثق كتابيًا للناس اللي تفضل تشوف على السريع وتطبق..

١- تدخلون على اي موقع خطوط مجانية، شخصيًا استخدمت دا.

٢- تحملون الخط.

٣- تثبتون الخط اللي حملتوه.

٤- تقفلون ديزاين سبيس لو فاتحينه في الخلفية.

٥- تفتحون البرنامج وتختارون الخط وبالتوفيق. 💖

ملاحظة: بالمقطع قدمت نصيحة عن ادا كانت الحروف بعيدة عن بعض كيف تقربونها مع بعض ولو كانت مشبكة كيف تخلونها تنقص كصورة وحدة وسويت مقارنة بين لو كانت صورة وحدة وكل حرف لوحدة. 

مقطع الفديو:

السلام عليكم🌷✨

ردًا عن الاستفسارات اللي جاتني هذه اهم الادوات اللي تحتاجونها عشان تبدأوون مشاريعكم مع كريكت.

دا رأيي الشخصي طبعًا ودي الادوات اللي من يوم مابديت جالسة استخدمها بشكل يومي. طبعًا اشتريت اشياء تانية بس كلها اضافات وحتى الأغلب للآن ما قد استخدمتها.

أهم حاجة الحصيرة

تجي بثلاثة انواع رئيسية، خفيفة مثلا للورق، متوسطة مثلا للفينيل الحراري، وقوية مثلا للجلد. اما الأقمشة فلها حصيرة خاصة لونها وردي. 

بحط لكم روابط من امازون السعودي والامريكي وانتو قارنو الاسعار واختارو الافضل لكم.

امازون السعودي:

الحصيرة الخفيفة: هنا

الحصيرة المتوسطة: هنا

جميع الحصائر الاساسية: هنا

حصيرة الأقمشة: هنا

امازون الامريكي: 

الحصيرة الخفيفة: هنا

الحصيرة المتوسطة: هنا

الحصيرة القوية: هنا

جميع الحصائر الاساسية : هنا

حصيرة الأقمشة: هنا

ادوات الكريكت الاساسية

امازون السعودي: هنا

امازون الامريكي: هنا

الرولر كاتر

امازون السعودي مافيه شركة كريكت لكن موجودة دي الشركة: هنا

امازون الامريكي: هنا

اقلام للكتابة

امازون السعودي: هنا

امازون الامريكي: هنا

فينيل حراري للاقمشة

امازون السعودي: هنا

او ممكن تبحثون عن الوان تانية بس اهم شيء يكون مكتوب عليه everyday iron on وكمان StrongBond

امازون الامريكي: هنا

فينيل اوراكل ٦٥١ (للاشياء اللي زي الكاسات وغيرها.)

امازون السعودي: هنا

امازون الامريكي: هنا

كمان تلقونه بمتجر بادعام. هنا متجرهم.

اللصق الناقل

امازون السعودي: هنا

امازون الامريكي: هنا

(جميع الصور ليست من تصويري) 

بالتوفيق للجميع! 💜

 السلام عليكم 🌷

بما انه جاتني اسئلة كتير عن الطابعة اللي استخدمتها في طباعة البوليصات والفواتير، حبيت اتكلم عنها وافيدكم بشكل اكبر.

اول شيء حابة اقوله انها بتكون استثمار عظيم لاصحاب المشاريع لان الطابعة تطبع بالحرارة وماتستخدم ولا نقطة حبر، ما يحتاج اقول قد ايش بتفرق معاكم لان الحبر سعره نار. شخصيًا حرصت انها تكون من اوائل الاجهزة اللي طلبتها.. 

فيه كمان ميزة لها ان يمدي مو بس تطبعون الفواتير والبوليصات، لا يمدي تطبعون اي حاجة فيها.. تختارون مقاس الورقة اللي حابين تطبعونها ونفس محل ما تحطو الورق حيكون فيه حاجة مدري ايش اسمها بس انو يمدي تخلونها نفس مقاس ورقتكم اللي بتحطونها. 

كمان تقدرو تضيفو تصاميم واشكال زي في الصورة هنا:

(الصورة مو من تصويري)

وهنا رابط يوتيوب تعلمكم كيف تسوو التصاميم وتحددو المقاسات.

*ملاحظة: الآلة تطبع اسود و رمادي فقط لانها ما تستخدم حبر اصلًا.

(رابط الآلة) اسمها Rollo printer

(رابط القاعدة) الحلو فيها انو تقدرو تحطو الورق اللي يجي في لفة وتدرو تحطو ورق عادي

(رابط الورق) فيه ٥٠٠ ورقة

الآلة للاسف مو موجودة في امازون السعودي، بس انهم يشحنون مباشرةً للسعودية.. كلفتني كلها التلاتة مع التوصيل والضريبة ورسوم الاستيراد ١١٨٤و ٧٧ هللة بالزبط. فكرو بالموضوع لو ميزانيتكم تسمح تجيبونها او لا بس مرره انصح فيها قدام لانكم راح تدفعو الفلوس مره وحدة احسن من كل اسبوعين تلاتة حبر جديد للطابعة.👌🏾

فيه خيارات اخرى زي دي ودي، بس من خلال بحثي المتواضع توصلت لان افضل اثنين ماركة Rollo وDYMO.

بالتوفيق لكم جميعًا اتمنالكم تجارة رابحة💗

اهلييين💜

بشارك معاكم خطوات عملي للستيكر حتى تكون مرجع لكم بشكِل كتابي.

١- وضع التصميم في برنامج كريكت سبيس.

٢- اعدادات الطابعة:

Use system dialog✅

بعدها اعدادات الطابعة ممكن تطلع لكم خلف التطبيق، نختار منها:

٣- بعدها نحط التغليف الحراري ويكون داخل الاطار الأسود. 

التغليف اشتريته من جرير فيه ٦ ورقات بـ ١٩ ريال، ماني لاقية المنتج في موقعهم!! بس سوو سكرين شوت لشكله من الفديو في تيك توك.. 

٤- حطيت الستيكر في آلة التغليف البارد، اشتريتها من امازون، ارخص وحدة شفتها يكون فيها ميزة التغليف الحار والبارد، سعرها ١٣٩.٩٩ بس والله تستاهل كل ريال! هنا رابطها في امازون. 

٥- بعدها قصيت الستيكر بكريكت.

٦- حطيتها بين ورقتين عشان ما تتاثر بالحرارة ودخلتها في التغليف الحار.

بالتوفيييق. 💫💜

 السلام عليكم🌷

شكرًا على الدعم الكبير وباذن الله راح احاول افيدكم بكل شيء اعرفه 💫💜

موضوع التيشيرتات انا لسا جالسة ابحث عن شيء خامته كويسة وسعره كويس عشان اقدر ابيعه بسعر معقول، لكن فيه ثلاث طرق اعرفها للطباعة على التيشيرتات.

الطريقة الاولى:

الطباعة بالـ infusible ink وهو الحبر الحراري، باختصار الحبر مع الحرارة يتفاعل مع القماش ويصير جزء منه يعني مايصير محسوس بالتيشيرت زي الvinyl ومايروح ابدا بالغسيل.. دا نفس اللي جالسة احاول اسويه في متجري، بس دا النوع من الطباعة للاسف مايزبط الا على الاقمشة المُعالجة، يعني ما ينفع مع الاقمشة اللي ١٠٠٪ قطن. فيه مقاطع باليوتيوب يقدمون طرق طباعة على القطن بنفس دا الحبر بس لسا ما طبقت حاجة منها وما اعرف صراحة لو حيزبط. مبدئيًا لو تبغو تطبعو بدي الطريقة لازم القماس يكون بوليستر ١٠٠٪ او قطن مخلوط ب على الاقل ٦٥٪ بوليستر. (polyster) 

بالنسبة للـ infusible ink بحد ذاته عندكم ٣ خيارات:

١- اقلام infusible ink من شركة كريكت ودا شكلها.

٢- infusible ink sheet من شركة كريكت برضو ودا شكلها. (فيه اشكال والوان مليانة اكتبو بالبحث infusible ink sheets)

٢- طابعات تطبع بـ حبر حراري ودا بالنسبة ليا احسن خيار لكن حاليًا ماعندي ميزانية لان اللي شفتها سعرها ٢٥٠٠ ريال. انا ما عندي خلفية ايش احسن وحدة بس اللي حاطة عيني عليها اسمها Sawgrass SG500. تقدرون تبحثون عن طابعات تدعم الـ sublimation.

- مقطع يوتيوب شرح طريقة الطباعة بالحبر الحراري - ورق حراري

- مقطع يوتيوب شرح طريقة الطباعة بالحبر الحراري - اقلام حبر حراري

الطريقة الثانية:

الطباعة باستخدام الـ vinyl ودي الطريقة انا شايفة انو الاغلب بيستخدمها، سهلة ونتايجها حلوة برضو.. بس لو حتستخدمو دي الطريقة باعتقادي لازم يكون عندكم جهاز قص الكتروني سواءً كريكت او كاميو، انا شخصيا عندي كريكت سهلة جدًا بالاستخدام وماعرفت كاميو الا من تيك توك.

الكريكت فيه ٣ انواع اتكلمت عنها بمقطع في حسابي التيك توك، هنا بحط لكم الexplore air مناسبة للي بيسوي مشاريع زي التيشيرتات.

فيه منها الوان دي بعضها: لون المينت ، لون التوايلايت، لون الليلك. 

برضو يفضل يكون عندكم مكبس الحرارة، تقدرون طبعًا تستخدمون جهاز المكواه العادي، لكن المكبس راح يسهّل عليكم لان تقدرون تعايرون الحرارة وعدد الثواني 

فيه ثلاثة مقاسات لمكبس الحرارة من كريكت

١- الصغيرة ٦ في ٧ انش

٢- الوسط ٩ في ٩ انش

٣- الكبيرة ١٠ في ١٢ انش

شخصيًا انا اشتريت الوسط لاني احسها مناسبة ليا كبداية، بس فيه وحدة كبيرة من شركة تانية اشوفها بتيك توك كتير يستخدمونها، او تقدرون تبحثون بانفسكم عن اجهزة الـ heat press.

بالنسبة ليا عيب دي الفينيل انه بعد زمن سنة سنتين ثلاث راح يخرج اكيد عكس الطريقتين التانين..

* نقطة مهمة للي يبي يستخدم الطريقة دي، اتاكدو ان الفينيل ناقل للحرارة وينفع للاقمشة زي في الوصف هنا.. لان فيه انواع مختلفة للفينيل مثلا اللي ينحط على الزجاج او الخشب وغيره.

* انا برضو اشتريت المات حق المكبس الحراري لانها تمتص الحرارة والرطوبة وسطحها مستوي فيسهّل عملية الطباعة.

- مقطع يوتيوب شرح طريقة الطباعة بالفينيل  

الطريقة الثالثة:

طباعة الـ screen print اكتشفتها من تيك توك ومره عجبتني بس ماعندي معلومات كافية عنها لسا، بس اللي اعرفه ان الحبر تقريبًا نفس اول واحد ومايروح طول العمر

برضو لو استخدمتو دي الطريقة راح تحتاجو مكبس حرارة تحطوه بدرجة معينة على الحبر بعد ما يجف عشان يصيز جزء من القماش.

الحلو في دي الطريقة ان تقدرون تطبعون حتى على الأقمشة الغامقة عكس الـ infusible ink يكون باهت على الأقمشة الغامقة. برضو ميزة تانية حلوة انو تقدرو تطبعو على اقمشة ١٠٠٪ قطن!

هنا عدة الـ screen print ، بالنسبة للالوان ماعندي خلفية للأمانة لكن لقيت دي في امازون وشكلها كويسة. 

*تحديث*

بعد البحث بشكل اكبر لقيت انو الاغلب بيمدح شركة speedball وعلى الاغلب دي اللي حشتريها انا. في امازون مالقيت لون اسود ومالقيت الوان كتيرة بس موجودة في جرير.. واتاكدو انو مكتوب عليها طباعة على الأقمشة. 

انا عاجبني مره الـ screen print وجالسة افكر اني ابحث عنه اكتر وابدا استخدمه، عاجبتني فكرة انه مستحيل يتاثر ويجلس مدى حياه التيشيرت.✨

- فديو يوتيوب طريقة الطباعة بـ screen print

اختارو الطريقة الأنسب لكم وانطلقو 🤝💕

ان شاء الله يكون البوست مفيد لكم، شاركوه مع اي شخص حابب يبدأ بزنس طباعة على التيشيرتات عشان يستفيد.💕